Անկախություն

Մեզ համար դա նշանակում է ազատություն քաղաքական ազդեցությունից, ինչպես նաև ֆինանսական անկախություն։
Մենք ձգտում ենք անկախ լինել նաև մեր անձնական կողմնակալություններից և տեսակետներից՝ թիմում խրախուսելով առողջ բանավեճ ցանկացած հարցի շուրջ։
Մեր միակ իրական հանձնառությունը հանրային շահին ծառայելն է։

Փաստ, փաստ և փաստ

Մենք կարևորում ենք տվյալների և ապացույցների վրա հիմնված փաստական լրատվությունը, անկողմնակալ ենք փաստերի նկատմամբ, տարանջատում ենք կարծիքը փաստից, բացահայտ ուղղում ենք սխալները և հրապարակայնորեն ներողություն ենք խնդրում դրանց համար։

Ազնվություն

Մենք պահպանում ենք ազնվությունը մեր լսարանի և թիմի հետ՝ լինելով թափանցիկ մեր ֆինանսավորման աղբյուրների հարցում և հստակ տարանջատելով գովազդային կամ գործընկերային բովանդակությունը լրագրողական նյութերից։
Մենք պահպանում ենք ազնվությանը մեր գործընկերների հանդեպ՝ խստորեն խուսափելով գրագողությունից։
Մենք պահպանում ենք ազնվությունը մեր աղբյուրների հանդեպ՝ երբեք չբացահայտելով նրանց ինքնությունը, եթե խոստացել ենք գաղտնիություն։
Մենք մնում ենք ազնիվ նրանց հանդեպ, ում մասին գրում ենք՝ լսելով նրանց տեսակետները և տրամադրելով ողջամիտ ժամկետում արձագանքելու հնարավորություն։

Ներառականություն և հանդուրժողականություն

Մենք փորձում ենք անդրադառնալ հասարակության բոլոր շերտերին վերաբերող խնդիրներին՝ առանց թեմատիկ սահմանափակումների։
Մենք վճռականորեն մերժում ենք սեռի, լեզվի, էթնիկ պատկանելության, սոցիալական կարգավիճակի կամ կրոնական պատկանելության հիման վրա խտրականությունը, անհանդուրժողականությունը և ատելության հրահրումը և ակտիվորեն աշխատում ենք դրանք բացահայտելու ուղղությամբ։

Չվնասել

Մենք չենք չարաշահում լրատվամիջոցների հետ շփման փորձ չունեցողների վստահությունը։
Մենք հետևում ենք անմեղության կանխավարկածի սկզբունքի պահպանմանը։
Մենք առանձնահատուկ նրբանկատ ենք անչափահասների, առողջական խնդիրներ ունեցող անձանց կամ կյանքի դժվարին իրավիճակներում գտնվող մարդկանց վերաբերյալ հրապարակումներում։