Քննչական կոմիտեն ֆեյսբուքյան էջով հայտարարություն է տարածել, որով հաստատել է Infocom-ի բացահայտումը՝ Ամուլսարի գործով քննիչ Յուրա Իվանյանի և նախկին բնապահպանության նախարարի ազգակցական կապի վերաբերյալ։
Սակայն քննչական կոմիտեն իր հայտարարության մեջ նշել է․ «․․․Քննչական կոմիտեն որևէ գործով, այդ թվում՝ նաև Ամուլսարի գործով, դրական եզրակացություն չի կարող տալ, կամ ինչպես նշված է հիշյալ նյութում, չի կարող հաստատել դրական եզրակացություն, քանի որ Կոմիտեն, ՀՀ օրենսդրությամբ սահմանված կարգով, իրականացնում է մինչդատական քրեական վարույթ, ինչը բոլորովին այլ գործառույթ է․․․»։
Այս մասով հարկ ենք համարում հիշեցնել, որ Infocom-ի հոդվածում չի գրվել, որ Քննչական կոմիտեն է դրական եզրակացություն տվել։ Ամուլսարի հանքի նախագծին վերաբերող տողերը ներկայացնում ենք ստորև․
Վերոնշյալ տողերից ակնհայտ երևում է, որ Infocom-ի հոդվածում Ամուլսարի հանքի նախագծին դրական եզրակացություն տալը և/կամ հաստատելը չի վերագրվել Քննչական կոմիտեին։
