tert.am։ Նոյեմբերի 25-ին Թբիլիսիի Ռուսթավելի պողոտայում՝ խորհրդարանի շենքի մոտ, նախատեսված զանգվածային հանրահավաքին կմասնակցի «Ժողովրդական շարժում՝ միասնական Վրաստան» ընդդիմադիր կուսակցությունը:
Ինչպես փոխանցում է ТАСС գործակալությունը, այս մասին վրացական հեռուստաալիքի եթերում հայտնել է կուսակցության առաջնորդ, վրաց խորհրդարանի նախկին խոսնակ Նինո Բուրջանաձեն: Վերջինս հայտնել է, որ երթը կմեկնարկի 19:00-ին:
«Մենք Հանրապետության հրապարակից կշարժվենք Ռուսթավելիի պողոտայի ուղղությամբ, որտեղ կշարունակվի ակցիան: Իշխանությունը պետք է հասկանա, որ թեև ընդդիմությունը սադրանքների չի դիմում, հնարավորինս փորձում է դուրս չգալ խաղաղ ցույցի շրջանակներից, դա ոչ մի դեպքում չի նշանակում, որ մենք ոչ լիարժեքորեն ենք պայքարում կամ մտադիր ենք նահանջել»,- ասել է Բուրջանաձեն:
