shantnews.am։ ՀՀ արտաքին գործերի նախարար Զոհրաբ Մնացականյանը այսօր՝ սեպտեմբերի 21-ին, լրագրողների հետ զրույցում անդրադարձել է Հայաստանում գտնվող Եվրոպական հանձնաժողովի՝ հարևանության, ընդլայնման և բանակցությունների քաղաքականության հարցերով գլխավոր տնօրինության ղեկավարի տեղակալ Եկատերինա Մատերնովայի այցին` նշելով, որ Մատերնովան մեկն է այն բազմաթիվ գործընկերներից, որի հետ Հայաստանը աշխատում է:
«Բնականաբար, Մատերնովայի ուղղությմաբ հիմնական հարցրեը վերաբերում են, թե ինչպես ենք շարունակելու գործնական քայլերը, որ վերաբերում են CEPA-ի համաձայնագրի իրականացմանը»,- նշեց նախարարը:
Նա նաև հիշեցրեց, որ կա արդեն ճանապարհային քարտեզ, ձևավորված մեխանիզմներ: Գործնական առումով մտել ենք այն փուլը, որտեղ արդեն դիտարկվում է համաձայնագրի իրականացումը:
«Մենք ունենք լայն օրակարգ: ԵՄ-ն շատ կայուն և ներգրավված գործընկեր է, որևէ խնդիր չենք ունեցել նրանց հետ, Աջակցության մասին էլ ասեմ, որ արդեն փաստացի մենք այդ աջակցությունը ունեցել ենք այս տարի, գրեթե կրկնակի ավելացել է աջակցության ծավալը ԵՄ-ի կողմից, և այս ամենը շարունակվում է»,- ընդգծել է Մնացականյանը:
