Երկուշաբթի` սեպտեմբերի 30-ին կառավարությունն արտահերթ նիստ կանցկացնի։ Օրակարգում 10 հարց է ներառված՝

1․ «Ֆինանսական համահարթեցման մասին» ՀՀ օրենքում փոփոխություններ կատարելու մասին» օրենքի նախագծի մասին,

2․ Սևանա լճի էկոհամակարգի վերականգնման, պահպանման, վերարտադրման, բնականոն զարգացման և օգտագործման միջոցառումների 2020 թվականի տարեկան ծրագիրը հաստատելու մասին,

3․ ՀՀ թմրամոլության և թմրամիջոցների ապօրինի շրջանառության դեմ պայքարի 2020 թվականի միջոցառումների ծրագիրը և ժամանակացույցը հաստատելու մասին,

4․ 2020 թվականին իրականացվելիք գիտական և գիտատեխնիկական պետական նպատակային ծրագրերը հաստատելու մասին,

5․ Զբաղվածության կարգավորման 2020 թվականի պետական ծրագիրը և միջոցառումների ցանկը հաստատելու մասին,

6․ Հաշմանդամություն ունեցող անձանց սոցիալական ներառման 2020 թվականի տարեկան ծրագիրը և միջոցառումների ցանկը հաստատելու մասին,

7․ 2020 թվականի առողջապահական պետական նպատակային ծրագրերը հաստատելու մասին,

8․ ՀՀ 2020 թվականի պետական բյուջեում ընդգրկելու նպատակով ֆիզիկական կուլտուրայի և սպորտի զարգացման 2020 թվականի տարեկան ծրագիրը հաստատելու մասին,

9․Երեխայի իրավունքների պաշտպանության 2020 թվականի տարեկան ծրագրին և միջոցառումների ցանկին հավանություն տալու մասին,

10․ Սահմանամերձ տարածաշրջանների զարգացման 2020 թվականի ծրագիրը հաստատելու մասին։

«Սահմանամերձ համայնքների սոցիալական աջակցության մասին Հայաստանի Հանրապետության օրենքում փոփոխություն կատարելու մասին» ՀՀ օրենքի նախագծի ժամկետը 2018թ.-ից մինչև 2021թ. երկարացնելու մասին որոշման նախագիծով նախատեսվում է սոցիալական աջակցության ծրագիրն իրականացնել սահմանամերձ 16 համայնքում ընդգրկված 38 բնակավայրերում:

Սահմանամերձ համայնքներին ցուցաբերվելու է պետական աջակցություն՝ բնակիչներին բնական գազի, էլեկտրաէներգիայի, ոռոգման ջրի սակագնի մասնակի ու գույքահարկի և հողի հարկի փոխհատուցում տրամադրելու համար:

Սոցիալական աջակցության ծրագիրն իրականացնելու համար, 2015 թվականից սկսած, յուրաքանչյուր տարվա պետական բյուջեով նախատեսվել է 928, 871.2 հազ. դրամ գումար, 2020թ՝ 800,000․0 հազ դրամ։

Սահմանամերձ բնակավայրերում առկա են՝

Բնակիչ՝ 58391

Տնտեսություն՝ 17736

Էլեկտրաէներգիայի բաժանորդ՝ 17560

Գազի բաժանորդ՝ 9978

Ըստ հիմնավորման` կարգավորման նպատակն է ՀՀ սահմանամերձ համայնքներում կյանքի պայմանների բարելավումը: