Ազգային ժողովն առաջին ընթերցմամբ ընդունենց «Իմ քայլը» խմբակցության պատգամավոր Բաբկեն Թունյանի ներկայացրած հարկային օրենսգրքում փոփոխություններ կատարելու օրենքի նախագիծը, որով, թույլ է տրվում, որ տնտեսավարողը սեփական հայեցողությամբ որոշի ներմուծվող կամ ձեռք բերվող հիմնական միջոցների ամորտիզացիոն ժամկետը: Նախագիծն ընդունվեց 111՝ կողմ, դեմ՝ 0 և ձեռնպահ՝ ձայներով։
Ազգային ժողովի կողմից ընդունվեց նաև «Բարգավաճ Հայաստան» խմբակցության պատգամավոր Միքայել Մելքումյանի կողմից ներկայացված Հարկային օրենսգրքում փոփոխություններ իրականացնելու մասին օրենքի նախագիծը։ Նախագծով առաջարկվում է հարկային պարտավորությունների չկատարման դեպքում իրականացնել տույժերի կրկնակի նվազեցում: Հարկի վճարումը սահմանված ժամկետներից ուշացնելու դեպքում ժամկետանց յուրաքանչյուր օրվա համար հարկ վճարողը կամ հարկային գործակալը վճարում է տույժ` 0.075 տոկոսի չափով:Նոր նախագծով առաջարկվում է գրեթե կրկնակի իջեցում՝ 0.04։ Նախագիծն առաջին ընթերցմամբ ընդունվեց 109՝ կողմ, 0՝ դեմ և 0՝ ձեռնպահ ձայներով։
