azatutyun.am: Ադրբեջանը չեղարկել է ամերիկյան Boeing ընկերության հետ կնքված պայմանագիրը, որի ընդհանուր արժեքը շուրջ մեկ միլիարդ դոլար էր կազմում: Այդ մասին այսօր հայտարարել է «Ադրբեջանական ավիաուղիներ»-ի (AZAL)պաշտոնական ներկայացուցիչ Փաշա Քեսամանսկին:
Այս համաձայնագրով Ադրբեջանը նախատեսում էր Boeing 737 MAX մակնիշի տասը օդանավ գնել:
«Պայմանագիրը չեղարկվել է անվտանգության նկատառումներից ելնելով», – նշել է AZAL-ի ներկայացուցիչը:
Boeing 737 MAX օդանավերի շահագործումը ողջ աշխարհում դադարեցվել է Ինդոնեզիայում և Եթովպիայում տեղի ունեցած վթարներից հետո: Դրանց պատճառը, ըստ նախնական տվյալների, գործարանային խոտանն էր:
