Արցախի նախագահ Արայիկ Հարությունյանն այսօր վաղ առավոտյան Արցախի ազատամարտիկների միությունում հանդիպել է տղաներին: Այս մասին նախագահը հայտնել է ֆեյսբուքյան իր պաշտոնական էջում։
«Նրանք մեկն են մեր հարյուրավոր կամավորական այն խմբերից, ովքեր երեկվանից մեկնում են առաջնագիծ հայրենիքի պաշտպաններին թիկունք կանգնելու համար: Սա է մեր ժողովրդի անպարտ լինելու ֆենոմենը:
Հաղթանակն անկասկած մերն է լինելու: Փա՛ռք հայ ժողովրդին:
Կեցցե՛ մեր ազատ հայրենիքը, որտեղ հազարամյակներ ի վեր պետք է արարեն մեր սերունդները»,- գրել է Արայիկ Հարությունյանը։
