azatutyun.am: Մոսկվայի դատարանը 30 օրվա ազատազրկման է դատապարտել ընդդիմադիր գործիչ Ալեքսեյ Նավալնուն՝ շաբաթավերջին հրավիրված չարտոնված հավաքին ընդառաջ։
Երեկ նաև ընդդիմադիր այլ գործիչների՝ Ռուսաստանի մայրաքաղաքի դումայի ընտրություններում առաջադրված թեկնածուներ Դմիտրի Գուդկովի, Իվան Ժդանովի և Ալեքսանդր Սոլովյովի տներում ոստիկանությունը խուզարկություններ է իրականացրել։
Գուդկովի կինը Թվիթերում գրել է, որ շուրջ մեկ տասնյակ ոստիկաններ գիշերը խուզարկել են իրենց տունը։ Նրանք փնտրել են նյութեր հուլիսի 27-ին նախատեսված ընդիմադիրների բողոքի ակցիայի հետ կապված։
Քաղաքային դումայում առաջադրված ընդդիմադիր երկու այլ թեկնածուների՝ Յուլիա Գալյամինային և Լյուբով Սոբոլին չորեքշաբթի օրը Քնչական կոմիտեն հրավիրել է հարցաքննության՝ Մոսկվայի ընտրական հանձնաժողովի աշխատանքը խոչընդոտելու գործի շրջանակում։
Ընդդիմության մեկ այլ ներկայացուցիչ Գենադի Գուդկովին ևս հարցաքննության են հրավիրել։
