Ալմաթիի պարետատունը բնակիչներին կոչ է արել «պահպանել հանգստություն եւ օգնել իրավապահ մարմիններին սահմանադրական կարգի հաստատման եւ հասարակական անվտանգության հաստատման գործում»։ Այս մասին հայտնում է tass.ru-ն։
«Քաղաքում հակաահաբեկչական հատուկ գործողություն է սկսվել կարգուկանոն հաստատելու նպատակով», – ասված է հաղորդագրության մեջ:
Ըստ հաղորդագրության՝ ցուցարարները «թալանում, վնաս են հասցնում բիզնեսին, վտանգում են քաղաքացիական անձանց կյանքն ու առողջությունը, խոչընդոտում են բուժաշխատողների աշխատանքը»։
Պարետատունը նաեւ պնդում է, թե «ավազակների բարձր կազմակերպվածությունը վկայում է արտասահմանում նրանց լուրջ պատրաստվածության մասին»։ Նրանք հարձակումը որակել են որպես արտաքին ագրեսիա եւ պետության ամբողջականության խաթարման փորձ։
