azatutyun.am: Ուկրաինայի հյուսիսարևելյան Խարկով քաղաքում ռմբակոծության հետևանքով զոհերի թիվը հասել է հինգի, վիրավորվել է 40 մարդ, Telegram-ում գրել է շրջանի նահանգապետ Օլեհ Սինյեհուբովը։
Զոհվածներից մեկը երեխա է, որ Խարկովի քաղաքապետ Իհոր Տերեխովի խոսքով, սպանվել է քաղաքային զբոսայգու խաղահրապարակում: Ոստիկանները շրջափակել են այգու որոշ հատվածները։ Այգու նստարաններից մեկի տակ արյան ջրափոս է նկատվել։
Լուսանկարը՝ Խարկովի շրջանի նահանգապետ Սինյեհուբովի տելեգրամյան ալիքից / օգոստոսի 30-ին Խարկովի վրա հարձակումից հետո։
