Վարչապետ Նիկոլ Փաշինյանը մամուլի ասուլիս է հրավիրել։ Բացման խոսքում նա նշեց․
«Վերջին տարիներին ՀՀ-ում պետության եւ պետականության ընկալման խոր փոփոխություններ են տեղի ունենում, այդ փոփոխությունները հիմնված են «հայրենիքը պետությունն է» եւ «իրական Հայաստան» հայեցակարգերի վրա, որոնք հանրության շրջանում գնալով ավելի ու ավելի լայն ընկալում են ստանում։ Ա Ըստ այդ հայեցակարգերի՝ ՀՀ-ն ոչ թե որեւէ ավելի մեծ երկիր ստանալու, այլ բացառապես սեփական քաղաքացիների բարեկեցությունն ապահովելու գործիք է, այն ընկալմամբ, որ բարեկեցության անբաժանելի մաս են անվտանգությունը, ազատությունը, արդարությունը։ Բարեկեցության եւ դրա անբաժանելի մաս հանդիսացող անվտանգության, ազատության, արդարության ավելի բարձր մակարդակ ապահովելու միջոցը պետական ինստիտուտների շարունակական զարգացումնէ եւ աշխատանքը՝ որպես ահմընդհանուր անելիք»։
Անդարադարձ կատարելով նաև տնտեսությանը, Նիկոլ Փաշինյանը նշեց, որ 2018 թվականի հեղափոխությունից ի վեր ՀՀ-ում տնտեսությունը կայուն զարգանում է։
«2024 թվականի հուլիսին 2018 թվականի հուլիսի համեմատ շուրջ 178 հազարով ավելի աշխատող կա ՀՀ-ում։ Այս ժամանակահատվածում աշխատողների թիվը 572 հազարից դարձել է 750 հազար, միջին աշխատավարձն աճել է շուրջ 126 հազար դրամով, 2018թ․-ի 181 հազար դրամից դարձել է 307 հազար դրամ։ Սա կարեւորագույն արտահայտություններից մեկն է այն բանի, որ 2018թ․ հեղափոխությունից ի վեր ՀՀ-ում տնտեսությունը կայուն զարգանում է՝ ինքնիշխան պետության եւ նրա քաղաքացիների բարեկեցության ամրապնդման ինստիտուցիոնալ նախապայմաններ ստեղծելով։ Պիտի ընդգծեմ, որ միեւնույն ջանջի գործադրմամբ ավելի մեծ արդյունք ստանալու առանցքային նախապայմանը կրթության, ուսուցման, որակավորման ավելի բարձր մակարդակն է», – նշել է Փաշինյանը մինչ լրագրողների հարցերին պատասխանելը։
