Ռուսաստանը շահագրգռված է Իրանի հետ հարաբերություններին նոր բովանդակություն հաղորդելու հարցում. Միշուստին |1lurer.am|

1lurer.am: Ռուսաստանի վարչապետը Թեհրան կատարած պաշտոնական այցի ընթացքում հանդիպել է Իրանի նախագահի հետ: Միխայիլ Միշուստինը նշել է, որ Մոսկվան ու Թեհրանը մեծ ներուժ ունեն էներգետիկայի, տրանսպորտի, արդյունաբերության, առևտրային հարաբերությունների ընդլայնման համար:

Մասուդ Փեզեշքիանն էլ հայտարարել է, որ Իրանն ու Ռուսաստանը կարող են է՛լ ավելի ամրապնդել համագործակցությունն արևմտյան պատժամիջոցներին հակազդելու հարցում: Նրա խոսքով՝ ԱՄՆ-ը ցանկանում է պահպանել իր գերակայությունը և կփորձի հակազդել Իրանի, Ռուսաստանի և Չինաստանի նախաձեռնություններին: Այդ կապակցությամբ Փեզեշքիանն ընդգծել է ԲՐԻԿՍ-ի և Շանհայի համագործակցության կազմակերպության շրջանակներում երկրների համագործակցության կարևորությունը:

Միշուստինը հանդիպել է նաև Իսլամական Հանրապետության առաջին փոխնախագահ Մոհամմադ Ռեզա Արեֆի հետԶրույցի ընթացքում քննարկվել են երկկողմ հարաբերություններին առնչվող արդիական հարցեր:

«Ռուսաստանն անկեղծորեն շահագրգռված է մեր համագործակցությունն ավելի բարձր մակարդակի հասցնելու, դրան նոր բովանդակություն հաղորդելու հարցում»,- ասել է Միշուստինը։

Իրանի փոխնախագահն էլ հայտարարել է, որ Թեհրանը լրջորեն մտադիր է ամրապնդել հարաբերությունները Ռուսաստանի հետ, իսկ վիճելի հարցերը լուծել փոխգործակցությամբ ։ Նա ընդգծել է, որ ՌԴ-ի հետ համագործակցությունն Իրանի արտաքին քաղաքականության առաջնահերթություններից է:

Նվիրաբերել

Աջակցիր անկախ մեդիային

Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև

Moscow hopes that a Russia-Azerbaijan-Iran meeting will take place soon – Zakharova

ՌԴ ԱԳՆ-ը հայկական արմատներով ռուսաստանցիներին նախազգուշացրել է Ադրբեջան մեկնելու վտանգների մասին |news.am|

Թողնել մեկնաբանություն

Ձեր էլփոստի հասցեն չի հրապարակվի: Պարտադիր դաշտերը նշված են *-ով

This site is registered on wpml.org as a development site. Switch to a production site key to remove this banner.