hy.armradio.am: ԱՄՆ պետքարտուղար Անտոնի Բլինքենը հինգշաբթի ժամանել է Թուրքիա՝ Սիրիայում կայունության հաստատման կարևորագույն խնդրի շուրջ բանակցությունների համար։
Բլինքենն Անկարայի օդանավակայանում հանդիպել է Թուրքիայի նախագահ Թայիփ Էրդողանի հետ:
Էրդողանը և Բլինքենը քննարկել են Սիրիայում տեղի ունեցող վերջին զարգացումները։ Էրդողանը կոչ է արել միջազգային հանրությանը միասին աշխատել Սիրիայում հաստատությունների վերականգնման համար, ասվում է Թուրքիայի ղեկավարի գրասենյակի տարածած հաղորդագրությունում:
Էրդողանը նաև ասել է Բլինքենին, որ Թուրքիան իր ազգային անվտանգության համար Սիրիայում կանխարգելիչ միջոցներ կձեռնարկի բոլոր այն կազմակերպությունների դեմ, որոնց համարում է ահաբեկչական՝ հավելելով, որ Անկարան թույլ չի տա որևէ թուլություն «Իսլամական պետության» դեմ պայքարում։
Բլինքենը նշել է ԱՄՆ-ի և Թուրքիայի համատեղ շահագրգռվածությունը՝ աջակցելու Սիրիայում հաշվետու և ներառական կառավարության ձևավորման քաղաքական անցմանը:
Ուրբաթ առավոտյան Բլինքենը պետք է բանակցություններ վարի Ֆիդանի հետ։ Ակնկալվում է, որ գլխավոր թեման կլինի Սիրիան։
