Բագրատաշենի անցակետի պահեստում բռնկված հրդեհի հետևանքով տուժածները երեքն են: ՀՀ ԱՆ-ից news.am-ին հայտնել են, որ նրանցից 2-ի վիճակը միջին ծանրության է, մեկինը՝ բավարար։ 

ՆԳՆ փրկարար ծառայությունից հայտնում են, որ հրդեհը ժամը 16։18-ին մարվել է:

Պահեստում բռնկված հրդեհի կադրերը՝ այստեղ:

Ավելի վաղ հայտնել էինք, որ հունվարի 3-ին՝ ժամը 12։43-ին, Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Բագրատաշենի անցակետում գտնվող պահեստում։

Ըստ նախնական տվյալների՝ պահեստում այրվել է պիրատեխնիկա։