Ավելի շատ պետք է կենտրոնանանք տնտեսական հեղափոխության, քան սահմանադրական փոփոխությունների վրա. վարչապետ |aysor.am|

Սահմանադրական բարեփոխումների այն շրջանակը, որի մասին խոսվել է մեր նախընտրական ծրագրում, այդ շրջանակի վերաբերյալ որոշակի քննարկումներ կան, այսօր տեղի ունեցած մամուլի ասուլիսի ժամանակ ասաց ՀՀ վարչապետ Նիկոլ Փաշինյանը՝ պատասխանելով լրագրողի այն հարցին, թե իշխանության օրակարգում կա՞ առաջիկայում սահմանադրական բարեփոխումներ իրականացնելու հարցը։

«Մեր Սահմանադրության մեջ այսօր սփյուռքի ներկայացուցիչներին պետական կառավարման համակարգում ներգրավելու շատ խիստ սահմանափակումներ կան, և մենք կարծում ենք, որ այդ սահմանափակումները պատեհ չեն։ Այդ ուղղությամբ որոշակի աշխատանքներ կան։ Ես գիտեմ, որ քննարկումներ կան, որ խորհրդարանական համակարգը նախագահականի հետ փոխելու, սակայն ես այն կարծիքին չեմ, որ մենք հիմա այդպիսի անհրաժեշտության առաջ ենք կանգնած։ Մեկ տարի էլ չկա, որ այս համակարգը գործում է։ Պետք է հասկանանք՝ այն ի վերջո ինչ է իրենից ներկայացնում», – ասաց գործադիրի ղեկավարը։

Վարչապետի համոզմամբ, Սահմանադրությունը կենդանի օրգանիզմ է, բայց ինքը չէր ցանկանա որևէ կանխորոշող հայտարարություն անել։

«Իմ անձնական կարծիքն այն է, որ մենք կառավարման համակարգը փոխելու անհրաժեշտություն չունենք, քանի դեռ չունենք կոնկրետ փաստարկներ, թե ինչու է դա պետք անել։ Կարծում եմ՝ ավելի շատ պետք է կենտրոնանանք տնտեսական հեղափոխոխության, քան սահմանադրական փոփոխությունների վրա», – ասաց Նիկոլ Փաշինյանը։

aysor.am

Նվիրաբերել

Աջակցիր անկախ մեդիային

Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև

“Through fair elections you’ve got strong mandate of people to continue democratic reforms” – Lithuanian PM to Pashinyan |armenpress.am|

Նիկոլ Փաշինյանը Սուրբ Զատիկը շնորհավորել է 139-րդ սաղմոսով |youtube.com|

Այսօր մենք հիշում ենք Սումգայիթի կոտորածի զոհերին․ Նիկոլ Փաշինյան

Թողնել մեկնաբանություն

Ձեր էլփոստի հասցեն չի հրապարակվի: Պարտադիր դաշտերը նշված են *-ով

This site is registered on wpml.org as a development site. Switch to a production site key to remove this banner.