Հայաստանի վարչապետ Նիկոլ Փաշինյանը Euronews-ի հետ հարցազրույցում խոսելով ԵՄ-ի հետ հարաբերություններից, նշել է՝ «Մենք ԵՄ-ի հետ գործընկերության համապարփակ եւ ընդլայնված համաձայնագիր ունենք: Մեր կառավարությունը լի է այդ համաձայնագիրն իրականացնելու վճռականությամբ: Դա նշանակում է ունենալ իրապես անկախ դատական համակարգ, կոռուպցիայի դեմ պայքարի եւ կոռուպցիան կանխելու ինստիտուցիոնալ մեխանիզմ»:
Անդրադառնալով ռուսական գազի գնին վարչապետը ասել է՝ «Չեմ կարծում, որ մենք ուկրաինական փորձի վրա պետք է ինչ-որ բան սովորենք: Մենք քննարկում ենք էներգետիկայի ոլորտում համագործակցության ցանկացած հնարավորություն Իրանի, Վրաստանի, Ռուսաստանի հետ: Դա քննարկում ենք ԵՄ-ի հետ»:
