azatutyun.am: Ուկրաինայի նախագահ Վլադիմիր Զելենսկին այսօր ժամանել է Լոնդոն, որտեղ կհանդիպի Մեծ Բրիտանիայի և Հյուսիսային Իռլանդիայի Միացյալ Թագավորության վարչապետ Ռիշի Սունակի հետ և ելույթ կունենա խորհրդարանում:
Բացի այդ, Զելենսկին կայցելի Բրիտանիայում ուսումնական դասընթացների մասնակցող ուկրաինացի զինծառայողներին:
BBC հեռուստառադիոկայանի փոխանցմամբ, ենթադրվում է, որ Լոնդոնն այսօր կհայտարարի Ռուսաստանի նկատմամբ նոր պատժամիջոցների մասին:
Զելենսկու այցը Լոնդոն նրա երրորդ միջազգային ուղևորությունն է անցյալ տարվա փետրվարի 24-ին մեկնարկած պատերազմի ընթացքում և առաջինն այս տարում:
