ԱԺ փոխնախագահ Ալեն Սիմոնյանը կառավարության դիմաց բողոքի ակցիա իրականացնող գործարարներին քիչ առաջ խոստացավ իր գործընկերների հետ քննարկել «Պետական տուրքի մասին» ՀՀ օրենքում փոփոխություններ և լրացումներ կատարելու մասին» օրենքի նախագիծը, որի դեմ էլ, ըստ էության, բողոքում են հավաքվածները։
«Ուզում եմ ասել, որ սա նախագիծ է, սա չի նշանակում, որ ընդունվելու է միանշանակ, դեռ քննարկումներ են սպասվում։ Բայց լավ եք անում, որ բարձրաձայնում եք», – ասաց նա։
Գրավատների աշխատակիցների հետ զրույցի ժամանակ Ալեն Սիմոնյանը տեղեկացրեց, որ այսօր ժամը 14։00-ին մասնագետ է հրավիրել իր մոտ՝ հասկանալու ոլորտի ներկայացուցիչների բողոքները։
«Ըստ իս՝ ոնց որ դուք ճիշտ եք», – ասաց ԱԺ փոխնախագահը։
