aravot.am: Սյունիքի նախկին մարզպետ, պաշտպանության նախարարի խորհրդական Մելիքսեթ Պողոսյանը հերքում է Սյունիքի մարզի Տեղ համայնքի ավագանու անդամ Մասիս Զեյնալյանին ծեծի ենթարկելու դեպքին իր առնչությունը:
«Առաջին անգամ եմ նման բան լսում: Երեխեքիս արև՝ նման բան չկա, չի կարող լինել: Տեղը իմ հարազատ գյուղն է, էստեղ հարգանք, պատիվ կա, ո՞նց կարող է նման բան լինել»,- Aravot.am-ի հետ զրույցում ասաց Պողոսյանը:
Հիշեցնենք, որ Տեղ համայնքի ավագանու ընդդիմադիր «Ապրելու երկիր» խմբակցության անդամ Մասիս Զեյնալյանը պնդում է՝ երեկ համայնքապետարանի մշակույթի տանը, աշխարհազորի մասնակցությամբ տեղի ունեցած հանդիպմանը, իրեն ծեծի են ենթարկել՝ կոտրելով երկու ատամն ու պատռելով շրթունքը։
Հավաքը, ըստ ավագանու ընդդիմադիր անդամի, կազմակերպել էր պաշտպանության նախարարի խորհրդական Մելիքսեթ Պողոսյանը։
Առավել մանրամասն՝ aravot.am-ում
