panorama.am: Վրաստանի դեսպանին հայրենիք ուղարկելու Ուկրաինայի ղեկավարության որոշումը վկայում է երկրների միջև դիվանագիտական հարաբերությունների մակարդակի իջեցման մասին։ «Ռիա Նովոստի»-ի փոխանցմամբ, այս մասին հայտարարել է Ուկրաինան լքած Վրաստանի դեսպան Գեորգի Զաքարաշվիլին:
«Դա նշանակում է դիվանագիտական հարաբերությունների մակարդակի նվազում։ Դրան հաջորդում է դիվանագիտական հարաբերությունների խզումը։ Ինձ համար գլխավոր խնդիրը տվյալ ժամկետում Ուկրաինայի տարածքը լքելն էր, ինչի մասին Մենք պայմանավորվել ենք ուկրաինական կողմի հետ», – ասել է դեսպանը «Իմեդի» հեռուստաընկերության եթերում։
Երկուշաբթի օրը Վրաստանի նախկին նախագահ Միխեիլ Սաակաշվիլին երկար դադարից հետո Հեռավար մասնակցել է 2007 թվականի ցույցը ցրելու գործով Թբիլիսիի քաղաքային դատարանի նիստին: Նա ցուցադրել է իր նիհարած մարմինը և դիմել վրացական իշխանություններին ՝ նրանց կոչ անելով ներողություն խնդրել իրեն նման վիճակի հասցնելու համար։
Ավելի ուշ Վլադիմիր Զելենսկին հայտարարել է, որ Ուկրաինայի ԱԳՆ-ին հանձնարարել է կանչել Վրաստանի դեսպանին և վճռական բողոք հայտնել Սաակաշվիլիի հետ կապված իրավիճակի կապակցությամբ՝ առաջարկելով դիվանագետին 48 ժամվա ընթացքում լքել Ուկրաինան՝ Թբիլիսիի հետ խորհրդակցելու համար: Վրաստանի ԱԳՆ-ում Կիևի այս որոշումն անվանել են հարաբերությունների սրման ծայրահեղ ձև։
