azatutyun.am: {ՉՀԱՍՏԱՏՎԱԾ} Եվրամիությունը (ԵՄ) մտադիր է ընդարձակել իր դիտորդական առաքելությունը Հայաստանում, Բրյուսելից հաղորդում են «Ազատության» աղբյուրները։
Այս պահին Եվրամիությունը հարյուր դիտորդ ու փորձագետ ունի Հայաստանում, որոնց առաքելությունն է դիտարկել ու Բրյուսելին հաշտվետվություն ներկայացնել Ադրբեջանի հետ սահմանին տիրող իրավիճակի մասին, նպաստել անվտանգությանն ու հնարավորության դեպքում Հայաստանի ու Ադրբեջանի իշխանությունների միջև վստահության ամրապնդմանը։ Թե ինչ փոփոխություններ է կրելու և որքանով է ավելանալու դիտորդների թիվը, առաժմ հստակ չէ։ Այս պահին առկա տեղեկություններով՝ այդ հարցերը, ամենայն հավանականությամբ, կորոշվեն առաջիկա շաբաթների ընթացքում։
Այս պահին Բրյուսելի համար առաջնային է երկու ուղղություն. եվրոպացի պաշտոնյա
Մինչ այդ՝ հաջորդ շաբաթ, Եվրամիության անդամ երկրների արտգործնախարարները՝ Արտաքին հարաբերությունների գծով հանձնակատար Ջոզեպ Բորելի գլխավորությամբ, կքննարկեն Հայաստանի և Ադրբեջանի միջև հարաբերություններն ու իրավիճակը տարածաշրջանում։ Հարցը ներառված է առաջիկա երկուշաբթի Լյուքսեմբուրգում կայանալիք արտգործնախարարների խորհրդի նիստում։
Այս պահին Բրյուսելի համար առաջնային է երկու ուղղություն, «Ազատությանը» փոխանցել է եվրոպացի բարձրաստիճան պաշտոնյաներից մեկը, մանրամասնելով՝ «նախ շարունակել միջնորդությունը Հայաստանի ու Ադրբեջանի միջև հարաբերությունները կարգավորելու, խաղաղության պայմանագիր կնքելու ուղղությամբ և երկրորդ՝ աջակցել ու նպաստել Հայաստանի ամրապնդմանը»։
«Մենք շատ հստակ ասել ենք նախագահ Ալիևին և Ադրբեջանի ներկայացուցիչներին, որ մեզ մտահոգում է Հայաստանի ինքնիշխանությունն ու տարածքային ամբողջականությունը խարխլող ցանկացած փորձ։ Սա մի բան է, որին մենք լուրջ ենք վերաբերվում»,- ասել է եվրոպացի բարձրաստիճան դիվանագետը, ընդգծելով, որ այս զգուշացումը փոխանցվել է Բաքվին Եվրամիության մի շարք պաշտոնյաների կողմից։
«Միաժամանակ, հաջորդ շաբաթ արտգործնախարարները կքննարկեն՝ տարբեր ճանապարհներ, որոնցով կարող ենք աջակցել ու ամրապնդել Հայաստանի տոկունությունը՝ ֆինանսական, անվտանգությանն ու ժողովրդավարությանը վերաբերող հարցերում՝ դիմակայելու կիբերհարձակումներին կամ հիբրիդային հարձակումներին։ Մենք պետք է շատ աչալուրջ լինենք, թե ինչ կարող է անել Ռուսաստանը Հայաստանում»,- ասել է եվրոպացի պաշտոնյան, փաստելով, որ վարչապետ Փաշինյանը հրապարակավ հայտարարում է դաշնակիցների դավաճանության մասին։
«Նրանք նոր իրավիճակի առջև են կանգնած, և մեր պատասխանատվությունն է օգնել և աջակցել Հայաստանին այս փոփոխություններում»,- ասել է նա։
Շարունակությունը՝ azatutyun.am-ում
