news.am: Ադրբեջանի հետ օպերատիվ կապը գործում է շուրջօրյա ռեժիմով։ Այս մասին մայիսի 8-ին մամուլի ասուլիսում ասաց Հայաստանի վարչապետ Նիկոլ Փաշինյանը՝ պատասխանելով այն հարցին, թե օգտագործվել է արդյոք կապն անցած շաբաթ, երբ երկու միջադեպ է տեղի ունեցել՝ զինվորի վիրավորմամբ։
Վարչապետը ընդգծել է, որ թեեւ կապն ուղիղ է, ոչ թե իրենք Ալիեւի հետ են շփվում, այլ շփվում են նրանց ներկայացուցիչները։ «Որոշ իրավիճակների վերաբերյալ տարընթերցումներ կան։ Նրանք նույնպես տեղեկություն են փոխանցել վիրավորի մասին։ Կողմերը իրավիճակի միանման մեկնաբանություններ չունեն։ Փորձում ենք հասկանալ, թե ինչ է տեղի ունենում եւ եզրակացություններ անել»,- նշել է Նիկոլ Փաշինյանը։
