Հայաստանի Ազգային ժողովի պատվիրակությունը Բիշքեկում մասնակցել է Անկախ պետությունների համագործակցության միջխորհրդարանական վեհաժողովի տարբեր ձևաչափերով նիստերի:
Ինչպես տեղեկացրին ՀՀ Ազգային ժողովից, Ղրղզստանի նախագահի նստավայրում կայացել է վեհաժողովի խորհրդի նիստը: Միաձայն խորհրդի նախագահ է վերընտրվել Ռուսաստանի Դաշնության Դաշնային ժողովի Դաշնության խորհրդի նախագահ Վալենտինա Մատվիենկոն:
Ըստ աղբյուրի՝ Բիշքեկում տեղի է ունեցել նաև ԱՊՀ ՄԽՎ 56-րդ լիագումար նիստը:
