azatutyun.am: Ռուսաստանի նախագահ Վլադիմիր Պուտինը հայտարարել է, որ Մոսկվան ամեն ինչ արել է Իրանի և աշխարհի գերտերությունների միջև 2015 թվականին կնքված միջուկային համաձայնությունն ուժի մեջ պահելու համար:
Նրա խոսքերով, Իրանի շահերից չի բխում համաձայնության որոշ դրույթների սառեցումը:
Միաժամանակ, Պուտինը նկատել է տվել, որ համաձայնության ճակատագիրը կախված չէ Ռուսաստանից:
«Մենք հետևելու ենք իրադարձությունների զարգացման ընթացքին: Ռուսաստանը հրշեջ ծառայություն չէ, որ փրկի ամեն ինչ: Մենք մեր դերը կատարել ենք, և պատրաստ ենք հետագայում էլ կատարել, բայց դա միայն Ռուսաստանից կախված չէ, համաձայնության հարցը կախված է բոլոր դերակատարներից, այդ թվում ԱՄՆ-ից, եվրոպացիներից և Իրանից»,- ասել է Պուրինը:
Այդ հայտարարությամբ Պուտինը հանդես է եկել Սոչիում Ավստրիայի նախագահ Ալեքսանդեր Վան Դեր Բելենի հետ հանդիպման ընթացքում:
Նա ընդգծել է, որ առաջինը միջուկային համաձայնությունից հրաժարված Միացյալ Նահանգները հիմա փորձում է ամեն ինչի համար մեղադրել Իրանին:
