1lurer.am: Իլհամ Ալիևն ու Հաքան Ֆիդանը Շուշիում տեղի ունեցած հանդիպմանը քննարկել են Հայաստան-Թուրքիա և Հայաստան-Ադրբեջան հարաբերությունները։
Ադրբեջանական կողմի տվյալով՝ զրույցի ընթացքում գոհունակությամբ նշվել է մի քանի օր առաջ Աստանայում Ադրբեջանի ու Թուրքիայի նախագահների և Պակիստանի վարչապետի եռակողմ հանդիպումը, որը «բարեկամության և եղբայրության օրինակ է դարձել»: Զրուցակիցները վստահություն են հայտնել, որ այսուհետ այդ ձևաչափը լինելու է մշտական։
Նրանք գոհունակություն են հայտնել բոլոր ոլորտներում երկու երկրների միջև «եղբայրական, բարեկամական և դաշնակցային հարաբերությունների հաջող զարգացման կապակցությամբ, անդրադարձ է կատարվել թյուրքական աշխարհի միասնության և համերաշխության կարևորությանը»:
