shantnews.am։ Եվրասիական տնտեսական հանձնաժողովի արդյունաբերության նախարար Ալեքսանդր Սուբբոտինը հնարավոր է համարում, որ Ռուսաստան-Բելառուս միութենական հանրապետության օրինակը տարածվի ԵԱՏՄ ամբողջ տարածքի վրա։ Այս մասին նա այսօր հայտարարել է Մոսկվայում։
Նախարարի խոսքերով՝ երկկողմ հարաբերություններում պայմանավորվածություններն ավելի հեշտ են ստացվում, բազմակողմում՝ կարգով ավելի բարդ են դրանք։ Այսպիսով՝ պաշտոնյայի տեսությունն այն է, որ Ռուսաստան-Բելառուս ինտեգրացիայի տարբեր ուղղություններում կուտակված փորձը կարելի է տարածել ամբողջ տնտեսական միության՝ ԵԱՏՄ-ի վրա։
«Մենք պարտավոր ենք այդ «զույգի» ֆորմատով խորացող ինտեգրացիան ներառել ԵԱՏՄ ընդհանուր ինտեգրացիայի գործընթացի մեջ։ Չի կարող լինել այնպես, որ երկու պետություններ, որ ավելի խոր միության մեջ են միմյանց հետ, դեմ գնան ԵԱՏՄ-ին։ Այդպիսի դեպքում կստացվի, որ մենք տարբեր ուղղություններով ենք շարժվում, և ամեն ինչ կկորցնի իր իմաստը»,- ասել է նա։
