azatutyun.am: ԵԱՀԿ-ն կոչ է արել Ռուսաստանի իշխանություններին վերաբացել Բորիս Նեմցովի սպանության գործը։ Ընդդիմադիր առաջնորդը գնդակահարվել էր հինգ տարի առաջ Մոսկվայի կենտրոնում՝ Կրեմլի մերձակայքում:
«Նախորդ քննությունն՝ իր թերություններով, այդպես էլ չի պատասխանել առանցքային մի շարք հարցերի», – հայտարարել է ԵԱՀԿ-ն:
Ողբերգական դեպքից երկու տարի անց չեչեն Զաուր Դադաևը մեղավոր էր ճանաչվել և դատապարտվել 20 տարվա կալանքի, Չեչնիայի ևս 4 քաղաքացիներ էլ ազատազրկվել էին՝ հանցագործությանն աջակցելու համար:
Քննադատներն ու Նեմցովի հարազատները, մինչդեռ, կասկածներ ունեն, որ սպանությունը պատվիրել էր Ռուսաստանի նախագահ Պուտինի կամ Չեչնիայի առաջնորդ Ռամզան Կադիրովի մերձավորներից մեկը:
