armenpress.am: Ուկրաինայի շուրջ իրադրությունը պահանջում է, որ ՆԱՏՕ-ն ուժեղացնի ռազմական ներկայությունը արևելյան ճակատում: Այս մասին փետրվարի 2-ին ճեպազրույցի ժամանակ հայտարարել է Պենտագոնի ներկայացուցիչ Ջոն Կիրբին:
Ընթացիկ իրադրությունը պահանջում է, որ մենք ուժեղացնենք ՆԱՏՕ-ի Արևելյան ճակատի զսպող և պաշտպանական հնարավորությունները»,- ասել է Կիրբին՝ հաստատելով ԶԼՄ-ների տեղեկություններն այն մասին, որ առաջիկա օրերին ամերիկյան զինվորներ են տեղափոխվելու Եվրոպա:
