1lurer.am: Ամանորի գիշերը Նոր Օռլեանում տեղի ունեցած միջադեպը իշխանությունները ահաբեկչություն են որակել:
Նոր Օռլեանի ֆրանսիական թաղամասում մեքենան մխրճվել էր Նոր տարին նշող մարդկանց բազմության մեջ: Լրատվամիջոցները հայտնում են, որ զոհերի թիվը հասել է 15-ի, վիրավորվել է 30 մարդ:
ԱՄՆ Հետաքննությունների դաշնային բյուրոն բացահայտել է հարձակում իրականացրած անձի ինքնությունը: Ահաբեկիչը ԱՄՆ քաղաքացի, Տեխասի 42-ամյա բնակիչ Շամսուդ-Դին Ջաբարն է։ Հաղորդվում է, որ նրա վարձակալած «Ֆորդ» փիքափի բեռնախցիկում հայտնաբերվել է «Իսլամական պետության» դրոշը:
Լուսանկարում՝ հետաքննությունների դաշնային բյուրոյի գործակալներն աշխատում են այն վայրում, որտեղ մարդիկ սպանվել են/Էդուարդո Մունոզ/Ռոյթերս
