tert.am: Ղազախստանի ԱԳՆ-ն բողոք է հայտնել երկրում Ուկրաինայի դեսպան Պյոտր Վրուբլևսկուն՝ վերջինիս այն հայտարարության պատճառով, որ Ուկրաինայի նպատակը առավելագույն թվով ռուսներին սպանելն է։ Դիվանագետը կանչվել է Ղազախստանի ԱԳՆ՝ հանդիպելու Հանրապետության արտաքին գործերի փոխնախարար Երմուխամբեթ Կոնուսպաևի հետ, գրում է kommersant.ru-ն:
«Ղազախական կողմը հայտնել է իր դիրքորոշումը, որ նման հայտարարություններն անհարիր են և անպատշաճ օտարերկրյա պետության դեսպանի գործունեության համար։ Նման գործողությունները չպետք է վնասեն պետությունների բարեկամական հարաբերություններին»,- ասվում է Ղազախստանի ԱԳՆ կայքում տեղադրված հաղորդագրության մեջ։
