Իմ կարծիքով նոր Սահմանադրության տեքստում չպետք է հղում լինի Անկախության հռչակագրին, բայց որոշողը ժողովուրդն է: Այս մասին ԱԺ-ում լրագրողների հետ ճեպազրույցում ասաց ՀՀ վարչապետ Նիկոլ Փաշինյանը:
Նա ընդգծեց, որ սա իր քաղաքական դիրքորոշումն է:
Փաշինյանի խոսքով պետք է տարանջատել ՀՀ-ում սահմանադրական փոփոխությունները ՀՀ Սահմանադրության մասով Ադրբեջանի պահանջներից:
Այս համատեքստում նա հիշեցրեց, որ սահմանադրական փոփոխությունները նախաձեռնվել են դեռևս 2018 թվականից:
«Դրանք անհրաժեշտ են, քանի որ ՀՀ իրավակարգի և ՀՀ քաղաքացիների միջև առկա է օրգանական կապի խզում»,- հայտնեց Փաշինյանը:
