Մոլդովայում ընթացքող Եվրոպայի ծանրամարտի առաջնությունում Հայաստանը ներկայացնող Էմմա Պողոսյանը 5-րդն է, իսկ Մարգարիտա Առաքելյանը՝ 10-րդը։ Այս մասին հայտնում են Հայաստանի ծանրամարտի ֆեդերացիայից։
«Մոլդովայի մայրաքաղաք Քիշնևում ընթացող Եվրոպայի առաջնությունում պայքարի մեջ մտան 81 կգ քաշային կանայք:
Հայաստանի ընտրանու անդամ Էմմա Պողոսյանը (անձնական մարզիչ Արտաշես Ներսիսյան) պոկում վարժության ժամանակ բարձրացրեց 100 կգ: Հրումում Էմման բարձրացրեց միայն 130 կգ: Երկամարտի 230 կգ արդյունքով Պողոսյանը 5-րդն է Եվրոպայի առաջնությունում:
Հայաստանի թիմի անդամ Մարգարիտա Առաքելյանը (անձնական մարզիչ` Դավիթ Մուրադյան) պոկում վարժության ժամանակ գլխավերևում պահեց 91 կգ և 95 կգ: Հրումում նա բարձրացրեց 116 կգ: Երկամարտի 211 կգ արդյունքով Մարգարիտա Առաքելյանը Եվրոպայում 10-րդն է», – նշված է հայտարարությունում։
